Les mots surlignés font l'objet d'une note
1Monseigneur, despuys mes dernières lettres, il nest riens survenu
2de noveau et de dessa le tout y est en reppos et cellon les
3novelles que nous avons de tous coustez, nous nesperons poynt
4de guerre. Dieu par sa grace entretienne les princes en telle volunpté.
5Monsieur le barron des Adretz est arrivé en ceste ville avec
6quez ses trouppes. Deux de sez conppagnies sont ourdonnées à
7Carmaginolle, avecquez sa personne ; une à Savelhian et la
8quatriesme à ceste ville, et vous puys bien asseurer que
9le nom de barron des Adretz et la dessante de ses troupes
10faict remuer terres, bastines et bastions par l’Itallye et ung chascun
11se fortiffie. Il estet an asés male oppinion en ce pays destre
12de la Religion. Il ma fect ceste honneur de venir loger
13en ma messon et ce matin je ley conduyt à la messe,
14et après il a faict faire ung bandon sus poyne de la
15Vie que ses sauldatz neusent à manger cher ny vandredy
16ny samedy et a layssé toute aultre oppignon de luy et, avoyr
17disné san est allé à Salluces et a tiré denyers en ceste
18ville et faict monstre pour ung moys et mille escus quil a
19heu de present pour la levée de ses quatre compagnies, quest
20tout ce que vous puys dire pour le present. Jey seulement regret que
21nous avons de bons melons en ce pays principalement de Lascezane
22que je ney mouyen vous en fère tenir. Monsieur d’Avanson a ung
23serviteur de par dessa que n’est pas si sage et vertueux que
24luy, que luy anvoye du fruyt avecques esperance ung jour
25sil est sage, luy faire service. Et sur ce, je me recommanderey humblement
26à votre bonne grace et supplie le Createur vous donner
27monseigneur, en sancté, bonne et longue vie. De Pignerol, ce XXV julhet
281572
29Votre humble e affectioné serviteur
30St Jullien